2016 jyly shilde aıynda ınflıatsııa 0,5 paıyzdy qurady - D. Aqyshev
ALMATY. QazAqparat- Almatyda QR Ulttyq banki tóraǵasy Danııar Aqyshevtyń qatysýymen baspasóz máslıhaty bastaldy. Onda bas bankır qazirgi tańda qarjy naryǵyndaǵy qalyptasqan ahýalǵa baǵa bere kelip, aldymen elimizdegi ınflıatsııa kólemin málim etti.
«2016 jylǵy shilde aıynda ınflıatsııa - 0,5 paıyzdy qurady. Ótken jyly osy kezeńde ınflıatsııa deńgeıi - 0,1 paıyzdy quraǵan bolatyn. Al 2016 jyly qańtar-shilde aıynda ınflıatsııa deńgeıi - 5,2 paıyz boldy. Jyldyń basynan bastap, azyq-túlik taýarlarynyń baǵasy - 5,6 paıyzǵa, azyq-túlik taýarlaryna jatpaıtyn taýarlar - 5,2 paıyzǵa, aqyly qyzmet kórsetý - 4,7 paıyzǵa ósti», - dedi D. Aqyshev.
Aıta ketelik, ótken shilde aıynda da 0,5 paıyzdy quraǵan bolatyn. Sonymen qatar, shilde aıynda azyq-túlik taýarlary naryǵynda ásirese qyryqqabat pen qanttyń baǵasy ósti. Qyryqqabattyń baǵasy - 31,4 paıyzǵa, al qanttyń baǵasy - 11,3 paıyzǵa qymbattady.
Jyldyq kórsetkish boıynsha 2016 jyldyń shilde aıynda ınflıatsııa - 17,7 paıyzdy qurady. 2015 jyldyń jeltoqsan aıynda bul kórsetkish - 13,6 paıyzdy quraǵan bolatyn.
