2016 jyly shekarashylar 12 tonna esirtki tárkilegen

ASTANA. QazAqparat - 2016 jyly shekara aımaǵynda 29 myń quqyq buzýshy anyqtalǵan, bul 2015 jylǵy nátıjelerden 20 paıyzǵa kóbirek. 283 dana qarý-jaraq, 1 870 dana oq jáne 12 tonna esirtki zattary aınalymnan shyǵaryldy, onyń 52 kelige jýyǵy geroın, 37 keliden astamy gashısh, 370 kelisimarıhýana jáne 11 tonnadan astamy jańa orylǵan qarasora. Bul týraly Shekaralyq mekeme basshysy, general-maıor Darhan Dilmanov tóraǵalyq etken QR UQK Shekara qyzmeti Áskerı keńes otyrysy barysynda belgili boldy.

Ótken jyly Memlekettik shekarany demarkatsııalaý jumystary jalǵasty. Qazaqstan-Reseı shekarasy aýmaǵynda 589 shekaralyq belgi ornatylǵan, dep habarlady QR UQK Shekara qyzmetiniń baspasóz qyzmeti.

Ruqsat etilmegen valıýtany alyp ótpek bolǵan 48 adamnyń joly kesildi. 3 180-nen astam dinı ádebıet tabyldy. Aýmaqtyq jáne ishki sýlardan 56 brakonerlik júzý quraldary men 520 shaqyrymǵa jýyq zańsyz aýlaý quraldary tárkilendi.

Arnaıy jáne quqyq qorǵaý organdarynyń kúsh salýymen ótkizý beketterinde 44 700 jedel operatsııalar oryndalyp, ózge qujatpen ótkisi kelgen 100-den astam quqyqbuzýshylyqtyń joly kesildi, 1 600-den astam jalǵan qujat anyqtaldy. 25 000 quqyq buzýshy ákimshilik jaýapkershilikke tartyldy.

QR UQK Shekara qyzmetiniń Áskerı keńesinde eń úzdik shekarashylar marapattaldy. QR UQK ShQ Akademııasynyń magıstratýra jáne doktorantýra bilim berý baǵdarlamalary bóliminiń basshysy, jedel-taktıkalyq fakýltet basqarmasy basshysynyń orynbasary, podpolkovnık Andreı Avdeev jyl shekarashysy atandy.