2016 jyly Shámshi Qaldaıaqov týraly televızııalyq serıal túsiriledi
ASTANA. QazAqparat - 2016 jyly kompozıtor Shámshi Qaldaıaqov týraly televızııalyq serıal túsiriledi. Bul týraly búgin Ortalyq kommýnıkatsııalar qyzmetindegi baspasóz máslıhatynda «Habar» agenttigi» AQ Basqarma tóraǵasy Aıdos Úkibaı málim etti.
«2016 jyly bıografııalyq televızııalyq jobalardy túsirýdi jalǵastyramyz. Ózderińiz bilesizder, bundaı jobalar qymbatqa túsedi jáne qajyrly eńbekti qajet etedi, sondaı-aq eń bastysy -osyndaı teleserıaldardy joǵary jaýapkershilikpen bastaý kerek. Atap aıtqanda, Shámshi Qaldaıaqov týraly 2016 jyly televızııalyq serıal túsirýdi paryz dep sanadyq. Bul turǵyda osy týyndyny kórermenderge usynbaqpyz», - dedi A. Úkibaı.
Taratylǵan málimetterge qaraǵanda, jalpy bir jylda 10 teleserıal shyqty. Osy jyly kórermenderge aty ańyzǵa aınalǵan dırıjer ári kompozıtor Nurǵısa Tilendıevtiń 90 jyldyǵyna arnaıy túsirilgen «Qustar áni» kóp serııaly kórkem fılm usynyldy.
