2016 jyly Pavlodar oblysynda 5 myńnan astam jańa jumys oryndary qurylady
Onyń sózine qaraǵanda, 2015 jyly 46 kásiporynda 247 jumysshy qysqardy, onyń ishinde 193 adam nemese 80 paıyzy jumyspen qamtýdyń belsendi sharalarymen qamtyldy. Ákimniń atap ótýinshe, aǵymdaǵy kezeńde tolyq emes jumys kúni alańdaýshylyq týdyrýda. Pavlodar oblysynda qazirgi kezde bes kásiporynda 616 adam tolyq emes jumys kúni tártibinde qyzmet atqarýda.
«Taǵy12 kásiporynda 96 jumys ornynyń qysqarýy bolýy múmkin. Biz kásiporyndardyń basshylarymen únemi baılanystamyz, ıaǵnı bul máseleni boıynsha belsendi baqylaý júrip jatyr. Adamdar jumyspen qamtylatyn bolady. Ótken jyldyń úshinshi toqsanynyń qorytyndysy boıynsha oblystaǵy jumyssyzdyq deńgeıi 4,8 paıyzdy qurady. Bıyl jumyssyzdyq deńgeıi 5 paıyzdan aspaıdy dep paıymdaýdamyz»,-dedi oblys ákimi.
Q.Bozymbaevtyń sózine qaraǵanda, oblysta 11,3 myń jumys oryndary qurylatyn bolady, onyń ishinde 5,3 myńy aǵymdaǵy jyly ashylmaq.
«Sondyqtanda jumysynan bosap qalǵan qyzmetkerlerdiń mamandyǵy sáıkes kelip jatsa, olar bos oryndarǵa aýysady. Eger de sáıkes bolmasa, onda «Jumyspen qamtýdyń jol kartasy» baǵdarlamasy aıasynda qaıta oqytyp, osy jumys oryndaryna baǵyttaımyz»,-dedi ol.
