2016 jyly ótetin RF Memlekettik dýmasyna saılaýǵa ózin-ózi usynýshylar da qatysady
ASTANA. QazAqparat - Reseı prezıdenti Vladımır Pýtın RF Federaldyq jınalysy Memlekettik dýmasyna aralas majorıtarlyq-proportsıonaldyq júıeni engizý týraly zańǵa qol qoıdy. Parlamentke kelesi jetinshi shaqyrtýda Memlekettik dýmanyń 450 depýtatynyń jartysy partııalyq tizim boıynsha, ekinshi jartysy bir mandatty okrýg boıynsha saılanady. Budan buryn tómengi palataǵa saılaýǵa tek partııalar ǵana jiberilgen bolatyn.
Parlamenttik emes partııalar saılaýǵa qatysýy úshin keminde 200 myń saılaýshynyń qolyn jınaýy tıis. Bul rette aldyńǵy saılaýda 3 paıyzdan kem emes daýys jınaǵan partııa jáne parlamentte eń bolmaǵanda RF bir depýtaty bar partııa bul mindettemeden bosatylady.
Ózin-ózi usynýshy kandıdattar saılaýǵa qatysý úshin okrýg saılaýshylarynyń 3 paıyzynyń, ıaǵnı eń az degende 3000 qol jınaýy qajet. Budan basqa, parlamentke kelesi shaqyrtýda qazirgi ýaqyttaǵy 7 paıyzdyqtyń ornyna 15 paıyzdyq tosqaýyldy eńsergen partııalar ótedi. Burynǵysha, saılaý bloktaryn qalyptastyrý kózdelmegen.
2006 jylǵa deıin qoldanysta bolǵan aralas majorıtarlyq-proportsıonaldyq júıege qaıta oralý týraly bastamany RF prezıdenti kóterdi. Zań jarııalanǵan kúninen bastap kúshine enedi.
