2016 jyly «Nurly Jol-Batys» jáne «Nurly Jol-Ońtústik» kólik dálizderiniń qurylysy bastalady
Mınıstrdiń sózine qaraǵanda, 2015 jyly Úkimet Azııa Damý Bankinen shaǵyn jáne orta kásipkerlikti qoldaý úshin 228 mln. dollardyń kredıttik jelisin tartqan. Sonymen qatar, dál osy baǵytta ADB-nen 2016 jyly qosymsha 200 mln. dollar tartý qarastyrylady.
«Budan bólek, 2016 jyly Islam Damý banki memlekettik kepildeme negizinen «Qazsýsharýashylyǵy» AQ-men birlese otyryp, Almaty jáne Ońtústik Qazaqstan oblystarynda saýarmaly egistikterdi qalpyna keltirýge baǵyttalǵan jobalardy júzege asyrý kózdeledi. Sonymen qatar, barlyq Halyqaralyq qarjy quraldarymen birlese otyryp, 2016 jyly shuǵyla qaǵıdaty boıynsha «Nurly Jol-Batys», «Nurly Jol-Ońtústik» kólik dálizderiniń ýchaskeleriniń qurylys bastalady. Sonyń ishinde Halyqaralyq qarjy quraldarymen aradaǵy qoljetken kelissózderge baılanysty joldardyń eki ýchaskesi úkimettik zaemdar arqyly, qalǵany memlekettik kepildeme boıynsha «Qazavtojol» AQ qaryz alýy esebinen júzege asady», - deıdi Erbolat Dosaev.
Onyń aıtýynsha, 2016 jyly Halyqaralyq qarjy quraldarymen birlese qarjylandyrylatyn jobalar úshin bıýdjetten 41,3 mlrd teńge qarastyrylady. «Osyǵan baılanysty joǵaryda atalǵan jobalardy ýaqytyly bastaý úshin ortalyq memlekettik organdar men ákimdikter qujattaryn aǵymdaǵy jyldyń 10-jeltoqsanyna deıin tapsyrýdy qamtamasyz etýleri qajet», - dedi vedomstvo basshysy.
