2016 jyly Qyzylorda oblysynyń agrarlyq salasyna 9,1 mlrd. teńge bólindi
QYZYLORDA. QazAqparat-Qyzylorda oblysynyń ákimi Qyrymbek Kósherbaevtyń tóraǵalyǵymen ótken agroónerkásip keshenin damytý jáne aýylsharýashylyǵy kooperatsııalary máselelerine arnalǵan jıynda 2016 jyly atqarylǵan jumystar qorytyndylandy, dep habarlady QazAqparat HAA tilshisi.
Jıynda aımaq basshysy ótken jyly aýyl sharýashylyǵy salasyn ártaraptandyrý baǵytynda aýqymdy ister atqarylǵandyǵyn atap ótti. Kúrishten kezekti rekordtyq ónim jınaldy, aýyl sharýashylyǵynyń ózge de salalarynda ósim baıqalady. Degenmen, aýylsharýashylyq ónerkásibiniń qarqyndy damýyn qamtamasyz etý úshin alda kóptegen aýqymdy isterdi atqarý mindeti tur.
Oblys ákiminiń orynbasary Serik Qojanııazovtyń aıtýynsha, 2016 jyly agrarlyq sektordy memlekettik qoldaýǵa 9,1 mlrd. teńge bólinip, kórsetkish 2015 jylmen salystyrǵanda 11,1% artqan. 79,0 mlrd. teńgeniń ónimi óndirilgen nemese ósim 2015 jylmen salystyrǵanda 7,3%-ǵa ulǵaıǵan. Aýyl sharýashylyǵynyń negizgi qoryna salynǵan ınvestıtsııa kólemi 2016 jyly 3822,3 mln. teńgeni qurap, byltyrǵy jylmen salystyrǵanda 2,2 esege kóbeıdi.
2016 jyly oblys boıynsha 133 aýyl sharýashylyǵy kooperatıvi quryldy: mal sharýashylyǵy salasynda - 34, egis salasynda - 34, kópsalaly - 65. Qurylǵan kooperatıvterge barlyǵy 746 fermerlik sharýashylyq birikken.
Sondaı-aq jıynda aýyl sharýashylyǵy kompanııalarynyń basshylary sóz sóıledi. Olar naryqta suranysqa ıe ónimder shyǵarýdyń erekshelikterine toqtalyp, kóktemgi egis naýqanyna daıyndyq jumystary týraly baıandady.
