2016 jyly kúntizbege jańa meıram engizý josparda joq - QR DÁDM

ASTANA. QazAqparat - Qazaqstanda 2015 jyly kúntizbege jańa mereke kúnin engizý josparda joq. Bul týraly QazAqparat tilshisiniń resmı saýalyna jaýap bergen QR Densaýlyq saqtaý jáne áleýmettik damý mınıstrliginiń baspasóz qyzmeti málim etti.

Vedomstvonyń baspasóz qyzmeti habarlaǵandaı, mınıstrdiń blogyna «31 jeltoqsandy mereke kúni retinde jarııalaý týraly» usynys túsken. Qazaqstan Respýblıkasynyń 1998 jyly 24 naýryzynda qabyldanǵan «Normatıvtik quqyqtyq aktiler týraly» zańynyń 13 baby 2 tarmaǵyna sáıkes, qandaı da bir zań jobasyn ázirleý týraly zańnamalyq usynysty tek Prezıdent, Úkimet, memlekettik organdar ǵana emes, jekelegen uıymdar men qarapaıym azamattar da bildire alady eken.

Al, qazirgi eńbek naryǵyndaǵy zańnamaǵa sáıkes, Qazaqstanda 2016 jyly 121 demalys kún bolady.

«Qazaqstan Respýblıkasyndaǵy merekeler týraly» Zańǵa sáıkes, elimizdegi ulttyq, memlekettik, kásiptik jáne ózge de meıramdar toılanady. Al, bıyl, ıaǵnı 2016 jyly kúntizbege jańa mereke engizý josparda joq»,-dep atap ótken mınıstrlik óz jaýabynda.

Esterińizge sala keteıik, Qazaqstandaǵy ulttyq jáne memlekettik merekeler eńbek zańnamasyna sáıkes, demalys kúnderi bolyp sanalady.