2016 jyly kún energııasy alǵash ret kómirdi basyp ozdy
ASTANA. QazAqparat - 2016 jyly kún elektr stantsııalarynyń jıyntyq qýattylyǵy 74 gıgavatty qurap, kómirmen jumys istep, 57 gıgavatt qýat óndiretin elektr stantsııalaryn alǵash ret basyp ozdy. Bul týraly Halqyralyq energetıka agenttigi (IEA) habarlady.
Jalpy alǵanda, jańartylǵan energııa kózderimen jumys isteıtin álemdegi elektr stantsııalarynyń jıyntyq qýatynyń artýy 2016 jyly 164 GVt qurady - bul kez kelgen kózderdegi barlyq elektr stantsııalary artýynyń 75%-yn kórsetedi. Salystyrmaly túrde, 2015jyly bul kórsetkish 153 gıgavatty quraǵan edi.
Baıandamanyń avtorlary mundaı nátıje kún men jel energııasy óndirisiniń qunyn tómendetýmen, sondaı-aq balamaly energetıkalyq sektordy memleket qoldaýynyń arqasynda múmkin bolyp otyr dep sanaıdy. Bul, ásirese, ótken jyly úkimettiń shyǵaryndaryn azaıtý baǵdarlamasynyń arqasynda jasyl energetıka salasyndaǵy eń úlken progreske qol jetkizgen Qytaıǵa qatysty.
Sońǵy alty jyl boıy (2011 jyldan 2016 jylǵa deıin) balamaly energııanyń ósý qarqyny boıynsha ekinshi oryndy 160 gıgavattpen AQSh ıelenip kelse, úshinshi orynda - Úndistan (86 gıgavatt) tur.
Budan buryn HEA 2015 jyly barlyq jasyl elektr stantsııalarynyń jıyntyq qýattylyǵynyń artýy kómir stantsııalarynan alǵash ret asyp túskenin habarlaǵan edi.
