2016 jyly QR QK-niń serjanttar korpýsy 7 deńgeı boıynsha bilim alady
2016 jyldyń aıaǵyna deıin atalmysh kýrstarǵa ártúrli býyndaǵy 478 serjantty tartý josparlanýda.
QR QM baspasóz qyzmetiniń habarlaýynsha, kýrstyq daıarlyq áskerı qyzmetshilerdi kásibı turǵyda oqytýdyń úlgisi bolyp tabylady. Ol olardyń atqaryp otyrǵan laýazymdarynyń kóleminde áskerı bilimderin, praktıkalyq daǵdylaryn jetildirýge baǵyttalǵan kásibı deńgeıin, biliktiligi men qaıta daıarlanýyn qamtıdy. Elimizdiń Qarýly Kúshteriniń serjanttar quramy úshin búgingi kúni daıarlaýdyń 7 deńgeıi qarastyrylǵan. Bul serjanttyń bazalyq kýrsy. Ol jaýyngerlik mashına bólimsheleri, ekıpaj, zeńbirek, eseptop komandırlerine arnalǵan. Keıingi alty deńgeı - jas tolymdy daıyndaýmen aınalysatyn jaýyngerlik daıarlyq jónindegi vzvod serjanty men nusqaýshylardan bastap rota, batalon, shtab jáne brıgada serjantynyń kýrsymen aıaqtalady. Kýrstar oqý-jattyǵý ortalyqtary men áskerı bólimderdiń bazasynda, QR QM Kadet korpýsy men Qurlyq áskerleriniń Áskerı ınstıtýtynda, sondaı-aq QR Tuńǵysh Prezıdenti - Elbasy atyndaǵy Ulttyq qorǵanys ýnıversıtetinde ótkiziledi. Oqytýdyń uzaqtyǵy 1,5 aı oqıtyn brıgada, baza, polk serjanttaryn eseptemegende, bir aıdy quraıdy.
Serjanttar korpýsy - armııa negizi, onyń sapaly kásibılendirilýi búgingi tańda elimizdiń Qarýly Kúshterin damytýdyń basymdyq baǵyttarynyń biri bolyp tabylady. Joǵary kásipqoılyq pen biliktilik sııaqty qasıetter bolǵan kezde ǵana serjanttar baǵynysty jeke quramdy sapaly oqytyp, olarǵa basshylyq ete alady.