2016 jyly QR Qarýly Kúshteri alǵashqy qazaqstandyq dóńgelekti brondalǵan mashınalarmen tolyqtyrylady
Búgingi tańda jańa zaýytta QR Qorǵanys mınıstrliginiń tapsyrysyn iske asyrý bastaldy. Dóńgelekti brondalǵan mashınalardyń birinshi partııasy qazaqstandyq armııanyń jaraqtandyrýyna kelesi jyldyń qańtarynda kelip túsedi.
«Bul jaýyngerlik is-qımyldar oshaǵyna ekıpajdy jetkizýge arnalǵan kólik mashınasy. Ol torýyldan shabýyl jasaýdan qorǵalǵan, mınaǵa qarsy joǵary qorǵanysqa ıe, ıaǵnı, túbi 8 kg, dóńgelektiń astyńǵy jaǵy 14 kg, NATO standarttary boıynsha ballıstıkalyq, oqqa qarsy qorǵanyspen qaptalǵan, Kalashnıkovtyń saýyt buzar patrondaryna, Dragýnovtyń mergendik vıntovkasyna tótep beredi», - deıdi «Qazaqstan Paramaýnt Injınırıng» JShS-nyń bas dırektory Erbol Sálimov.
Salmaǵy shamamen 13 tonna brondalǵan mashına saǵatyna 110-120 shaqyrym jyldamdyqta júıtkıdi. Dóńgelekteri 70 oqqa deıin tótep beredi. Bul rette mashına taǵy da 50 shaqyrymǵa deıingi qashyqtyqqa qozǵalýdy jalǵastyra alady. Brondalǵan avto ekıpajdyń amandyǵyn qamtamasyz etedi jáne 8 adamdy nemese bir bólimsheni tasymaldaýǵa eseptelingen.
Jylyna zaýyt 120-ǵa deıin mundaı brondalǵan dóńgelekti mashınalardy shyǵara alatynyn aıta ketken jón. Zamanaýı joǵary tehnologııalyq tıimdi jabdyq metall tabaǵyn lazermen pishý, brondy tabaqshalardy dánekerleýden bastap, jabyndarǵa lak-boıaý jaǵý, qurastyrý jumystaryna deıingi tolyq tsıkldy iske asyrýǵa múmkindik beredi.
Búginde kásiporynda 100-ge tarta adam eńbek etýde. Zaýyttyń tehnıkalyq jabdyqtalýy áskerı jáne azamattyq maqsattaǵy dóńgelekti tehnıkany óndirý salasynda tapsyrmalardyń keń aýqymyn sheshýdi qamtıdy. Zaýyt Qazaqstannyń ishinde jáne shetelde ónimdi iske asyrýǵa, tapsyrys berýshilerdiń talaptaryna sáıkes mashınalardy ári qaraı jańartý jáne tehnıkalyq qyzmet kórsetýge ázir.
