2016 jyly QR-ǵa sheteldik jumys kúshin tartý kvotasy 63 myń adamdy qurady
ASTANA. QazAqparat - Resmı derekkózder málimetteri boıynsha 5 jyldyń ishinde Qazaqstanǵa kelgen shetel azamattarynyń sany ózgergen joq.
Qazaqstandaǵy shetel qyzmetkerleriniń qyzmeti kvota arqyly sheshiledi, ıaǵnı QR Úkimeti jyl saıyn tabys tabýǵa Qazaqstanǵa keletin sheteldikterdiń sanyn belgileıdi (tirkeıdi). Bul kvota ekonomıkalyq belsendi halyqtyń 0,7 paıyzynan aspaıdy. Mysaly, 2016 jyly kvota 63 myń adamdy qurady.
Byltyr da kvota mólsheri osyndaı boldy. Alaıda 2015 jyly bar-joǵy 32 myń ǵana ruqsat berildi, osylaısha, kvota tek jartylaı ǵana ıgerildi. Bul rette, kvota tapshylyǵy otandyq eńbek naryǵynda baıqalatyn bilikti qyzmetkerlerdi tartýdy kózdeıdi. Olardyń 2034-i ǵana aýyl sharýashylyǵy salasynda jumys isteýge kelgen.
Jyl saıyn respýblıkamyzǵa orta esepen alǵanda túrli maqsatpen bir mıllıonnan astam sheteldik azamat keledi. Bular týrıster, issaparmen kelgender, stýdentter, jumyskerler jáne t.b., olardyń kópshiligi (80-90 paıyz) - TMD elderiniń azamattary.
