2016 jyly kólemi fýtbol alańyndaı áýe kemesi alǵash ret ushatyn bolady
ASTANA. QazAqparat - 2016 jyly álemdegi eń úlken Stratolaunch ushaǵynyń alǵashqy ushýy bolady. Bul áýe kemesi Mohabe shólinde (Kalıfornııa shtaty) qurastyrylǵan kúıi tur, dep jazady planet-today.ru.
Alyp ushaqtyń salmaǵy - 600 tonna, qanattarynyń uzyndyǵy - 117 metr. Eger ony fýtbol alańyna ornatar bolsa, alańnyń shetterinen 5 metr jerge deıin syrtqa shyǵyp turmaq. Aıta ketsek, 28 shassı dóńgelegi men 6 reaktıvti qozǵaltqyshpen jabdyqtalǵan. Ushaq «Rýh» degen ataýǵa ıe. Ol ańyzdaǵy alyp qustyń aty. Kompanııa bul áýe kemesin álemdik rekord jasaý úshin qurastyrmaǵan. Onyń negizgi tapsyrmasy ǵarysh spýtnıgin orbıtaǵa shyǵarý bolǵan. Ushaq orbıtaǵa alty tonnaǵa deıin júk tasymaldaı alady.
