2016 jyly kıikterdiń qyrylý sebebin anyqtaý úshin ǵylymı joba qolǵa alynady - A.Sárinjipov
ASTANA. QazAqparat - 2016 jyly kıikterdiń qyrylý sebebin anyqtaý baǵytynda ǵylymı joba qolǵa alynady. Bul týraly búgin QR Parlamenti palatalarynyń birlesken otyrysynda QR Bilim jáne ǵylym mınıstri Aslan Sárinjipov málim etti.
«Kıiktiń qyrylýyna baılanysty bizde arnaıy ǵylymı joba bolmaǵan. Osyndaı oqıǵalar 1981, 1984 jyldary oryn alyp, qyrylǵan kıikterdiń sany 180-250 myńǵa jetken. Eń kóp qyrylýy 1988 jyly tirkeldi. Ol kezde 440 myń kıik qyryldy. Biraq ǵylymı zertteý jumystary júıeli bolmaǵan edi. Sondyqtan 2001 jyly ǵylymı joba qolǵa alynǵan. Úsh jyldyń ishinde sebepteri anyqtalyp, 6 túrli vaktsına shyǵarylǵan. Biraq, ol jumysty jalǵastyrý qajet. Klınıkalyq testileý kerek. Oǵan 1-2 jyl ketedi. Qosymsha qarjy qajet. Sondyqtan biz Aýyl sharýashylyǵy mınıstrligimen birlesip, osy jobany kelesi jyldan júzege asyra bastaımyz dep otyrmyz», - dedi mınıstr depýtattardyń saýalyna oraı.
Aıta keterligi, depýtat Erbolat Muqaevtyń alǵa tartqan derekterine sáıkes, sońǵy jyldary aqbókenderdiń qyrylýyn anyqtaýǵa respýblıkalyq bıýdjetten 332 mln. teńge qarjy bólingen.
