2016 jyly Qazaqstanǵa 11 myń oralman otbasy keldi
«Sizderdiń nazarlaryńyzdy taǵy bir ózekti baǵyt - Qazaqstanǵa kelgen otandastarymyzdy áleýmettik beıimdeý máselesine aýdarǵym keledi. Munda da memleket pen ÚEU óz áleýetin durys qoldana almaı otyr. Bıylǵy jyly elimizge 11 myń otbasy kóship keldi. Bul 2015 jylmen salystyrǵanda 6 ese kóp. Otandastarymyz qujattardy rásimdeý, bilim alý, áleýmettik beıimdelý turǵysynda kómekke zárý bolyp otyr. Dál osy máselede ÚEU-nyń róli erekshe mańyzdy dep bilemin. Óıtkeni, oralmandardy jańa qoǵamǵa ákimshilik mehanızmderdi qoldana otyryp beıimdeýge bolmaıdy. Muny tek olardy birte-birte qoǵamdyq qurylymdarǵa tartý arqyly júzege asyrýǵa bolady», - dedi vıtse-premer.
Sondaı-aq, vıtse-premer óńirlerdegi azamattyq qoǵam ınstıtýttarynyń damý problemasyn atap kórsetti.
«Jasyratyny joq, tanymal úkimettik emes uıymdar men olardyń kóshbasshylary eki ortalyqta Almaty men Astana qalalarynda shoǵyrlanǵan. Búginde Almatynyń ózinde ǵana 6 myńǵa jýyq kommertsııalyq emes qoǵamdyq qurylymdar tirkelgen. Bul búkil respýblıkadaǵy ÚEU sanynyń 40 paıyzyn quraıdy», - dep atap ótti Tasmaǵambetov.
Sonymen qatar, Premer-Mınıstrdiń orynbasary forým aıasynda qabyldanǵan barlyq usynymdar Úkimet tarapynan mindetti túrde qaralyp, sheshim qabyldaýda eskeriletinin málimdedi.
