2016 jyly Qazaqstanda úsh aýysymmen oqıtyn mektepter 2 ese azaıady - A. Sárinjipov
ASTANA. QazAqparat - 2016 jyly Qazaqstanda úsh aýysymmen oqıtyn mektepter 2 ese azaıady. Bul týraly búgin ótken QR Bilim jáne ǵylym mınıstrliginiń keńeıtilgen alqa otyrysynda mınıstr Aslan Sárinjipov málim etti.
«Orta bilim berý salasynda biz standarttardy jańalap, jańa oqý baǵdarlamalaryn ázirledik. Bastaýysh jáne orta bilim berý salasyna arnap 120 jańa mektep saldyq. Kelesi jyly taǵy 110-nan astam mektepti qoldanysqa berýdi josparlap otyrmyz. Osylaısha, 2016 jylǵa qaraı apatty jaǵdaıdaǵy mektepter 30 paıyzǵa, al úsh aýysymmen oqıtyn mektepter 2 esege azaıady», - dedi mınıstr.
Onyń aıtýynsha, kásibı-tehnıkalyq bilim berý salasynda QR BǴM dýaldi oqytý júıesin damytýdy basta maqsat etip otyr.
QR BǴM aqparatyna súıensek, búginde Qazaqstanda jalpy bilim beretin 7 563 mektep bar. 2014 jyldyń 1 qańtaryndaǵy málimet boıynsha, 50 apatty jaǵdaıdaǵy mektep pen 27 úsh aýysymdy mekteptiń máselesi sheshilgen.
