2016 jyly Qazaqstanda 3 mıllıon adamǵa aıyppul salyndy
«Budan bólek, 940 myńǵa jýyq quqyq buzýshylar ózge de jaza túrlerine tartyldy, ıaǵnı 803 403 - eskertý, 75 197 - ákimshilik qamaqqa alý, sonymen qatar 52 662 adamǵa qatysty júrgizýshilik kýáliginen aıyrý sharalary qoldanyldy»,-dep atap ótilgen QR Bas prokýratýrasy Quqyqtyq statıstıka jáne arnaıy esepke alý jónindegi komıtet málimetinde.
Jasaǵan áreketteri úshin quqyq buzýshylar salynǵan aıyppuldardyń 64,2 paıyzyn, ıaǵnı 41,3 mlrd. teńgeni memleket paıdasyna ótegen. Odan basqa, ótken jyldardaǵy quqyq buzýshylylardan memlekettik bıýdjetke 8,7 mlrd. aıyppul óndirilgen.
Ákimshilik óndiristiń qysqartylǵan tártibi boıynsha 50 paıyz jeńildikpen alǵashqy 7 táýlik ishinde tólenetin ákimshilik aıyppuldar quqyq buzýshylardyń 8,6 mlrd. teńgesin únemdegen kórinedi.
Anyqtalǵandaı, belgilengen jyldamdyqty asyrǵany úshin - 247 096 júrgizýshi, mas kúıinde kólikti basqarǵany úshin - 35 417, sondaı-aq qoǵamdyq oryndarda mas kúıinde ustalǵan - 193 113 adam, jekelegen qoǵamdyq oryndarda temeki tartqany úshin 120 957 adam jaýapkershilikke tartyldy.