2016 jyly Qazaqstanda 1,5 mln. sharshy metr baspana tapsyrylady

ASTANA. QazAqparat - Qosymsha daǵdarysqa qarsy sharalar 2016 jyly baspanany paıdalanýǵa berý boljamyn eki esege arttyrady. Búgin Úkimet otyrysynda QR Ulttyq ekonomıka mınıstri Erbolat Dosaev osylaı málim etti.

«Jedel aqparat boıynsha óńirler turǵysynda jobalardyń aldyn ala pýly qalyptastyryldy. Bıýdjetti naqtylaǵanǵa deıin tizim pysyqtalyp, jergilikti atqarýshy organdarmen kelisiledi. Qabyldanǵan sharalardyń arqasynda jospar boıynsha eskerilgen 2016 jylǵa 516,5 myń sharshy metr baspananyń ornyna, bıyl 1,5 mln. sharshy metr tapsyrylady jáne 2017 jyly 540 myń sharshy metr paıdalanýǵa beriledi. Bul óz kezeginde JІÓ ósimine 0,5 paıyz deńgeıinde úles qosady jáne 70 myńnan astam qosymsha jumys oryndaryn qurýǵa múmkindik beredi»,-dedi mınıstr.

Onyń aıtýynsha, turǵyn úı qurylysyn qarjylandyrý kólemi men talaptaryna engen ózgeristerdi eskere otyryp, «Nurly jol» memlekettik baǵdarlamasyna tıisti ózgertýler engiziledi.

«Memleket basshysynyń tapsyrmasyna sáıkes, bıyldyń 1 maýsymyna deıin Qazaqstan Respýblıkasynyń 2025 jylǵa deıingi damýynyń jańa Strategııalyq josparyn daıarlaý aıasynda bólek bólimmen Qazaqstandaǵy turǵyn úı qurylysyn damytý boıynsha jańa kontseptýaldy qadamdar ázirlenedi», - dedi E. Dosaev.