2016 jyly Qazaqstan men Reseı arasynda qatynaıtyn halyqaralyq poıyzdarda júrý arzandaıdy

ASTANA. QazAqparat - «Jolaýshylar tasymaly» AQ reseılik áriptesi «Federaldy jolaýshylar kompanııasymen» júrgizgen kelissózderdiń nátıjesinde jańa jyldan bastap Qazaqstan men Reseı arasynda qatynaıtyn halyqaralyq poıyzdarǵa bıletterdiń arzandaıtynyn habarlady.

2016 jyldyń 11 qańtary men 23 jeltoqsany aralyǵynda bıletterdiń satyp alý merzimine baılanysty tómendegideı jeńildikter qarastyrylǵan:

SV jáne kýpe vagondarǵa:

- poıyzdyń júrýinen 45 táýlikten 31 táýlikke deıin buryn satyp alsa 45 paıyz;

- poıyzdyń júrýinen 30 táýlik buryn satyp alsa 35 paıyz.

Platskart vagondarǵa:

- poıyzdyń júrýinen 45 táýlikten 31 táýlikke deıin buryn satyp alsa 35 paıyz;

- poıyzdyń júrýinen 30 táýlik buryn satyp alsa 25 paıyz.

«Bul jeńildikter engizilmegen kezdegi Astana-Máskeý baǵytyndaǵy platskart vagonnyń bıleti 48 601 tengeni quraıtyn. Endi poıyzdyń júrýinen 45 táýlikten 31 táýlikke deıin buryn satyp alsańyz, bul bıletti áldeqaıda arzan, ıaǵnı 31 678 tenge satyp alýǵa múmkindik bar. Sondaı-aq, qazir osyndaı jeńildikter jóninde Ózbekstannyń, Tájikstannyń jáne Qyrǵyzstannyń ulttyq tasymaldaýshylarymen kelissózder júrgizilýde», - dep habarlady «Jolaýshylar tasymaly» AQ baspasóz qyzmetinen.