2016 jyly Qazaqstan ishki naryǵyn tolyqtaı etpen qamtamasyz etpek
Bul týraly búgin Aqmola oblysy Astrahan aýdanynyń birqatar mal sharýashylyq nysandaryn aralaý barysynda QR Aýyl sharýashylyq mınıstri Asyljan Mamytbekov málim etti.
«Biz 2016 jylǵa qaraı Qazaqstannyń ishki naryǵyn tolyǵymen qamtamasyz etip qana qoımaı, jylyna 60 myń tonnaǵa jýyq etti basqa elderge eksporttaı alatyndaı barlyq jaǵdaıdy jasaımyz dep josparlap otyrmyz. Atalmysh maqsatqa jetý qıyn bolǵanymen, qoldan keletin is», - dedi mınıstr.
A. Mamytbekov búgin aýdanǵa qarasty Oksanovka aýylyndaǵy «Oksanovka-1» JShS jáne Jańaturmys aýlyndaǵy «SHP Qyzyljar» JShS-de boldy.
Mınıstrliktiń aqparaty boıynsha, jalpy «Іri qara etiniń eksporttyq áleýetin damytý» jobasyn júzege asyrý sheńberinde 2011 jyly Aqmola oblysynda 111 fermerlik sharýashylyq «Sybaǵa» baǵdarlamasy boıynsha 6,5 myń analyq bas satyp aldy. Sondaı-aq 10,5 myń oryndyq 3 bordaqylaý alańy salynyp, reprodýktorlar qurý maqsatynda 6,5 myń iri qara ákelindi.
