2016 jyly «Qazaqstan» arnasy kórermenderdi taǵy da jańa serıaldar toptamasymen qýantpaq
ASTANA. QazAqparat - 2016 jyly «Qazaqstan» arnasy kórermenderdi taǵy da jańa serıaldar toptamasymen qýantpaq. 9 qańtardan bastap Qazaqstan arnasy «Ómirdiń ózi novella» atty kópserıaly telehıkaıany usynady.
Bul týraly «Qazaqstan» RTRK baspasóz qyzmeti habarlady.
«Ómirdiń ózi novella» - bul lırıkalyq, dramalyq jáne ómirdegi tereń oılandyratyn oqıǵalardan quralǵan. Serıaldyń ónegeli tárbıelik máni bar. Kórermender aldynda jarqyn ári áserli oqıǵalarǵa toly qoǵam ómirinen alynǵan jekelegen ómir paraqshalary ashylady. Árbir serııa adamzat ómirinde kezdesetin ata-anany syılaý, dostyq, adaldyq, satqyndyq, raqymshylyq, dástúrge qurmet sekildi ózekti máselelerdi qozǵaıdy.
Kınonovella toptamasy ózdiginshe 24 bólek fılmerden qurastyrylǵan, onyń árbireýi qaı jaǵynan ne kútip turǵanyn bilmeıtin shytyrman oqıǵalar qatarynan quralǵan. Oqıǵalar jelisi bir-birimen tikeleı baılanyspaǵan jáne árbir epızod biregeı stılde ustanǵan. Fılmde keıipkerlerdiń ártúrli mińez-qylyqtary aralasqan oqıǵalarmen toly. Serıaldyń aıryqsha ereksheligi bul uzaqqa sozylatyn qyzyqsyz sıýjetterden qurastyrylmaǵan.
Fılmde keıipkerlermen qabyldanatyn sheshimder barynsha ǵıbratty bolyp keledi, kórermender bolyp jatqan oqıǵalardy ómirde kezdesetin jaǵdaılarmen salystyra sol kórsetilgen jaǵdaılar negizinde óziniń isterine jáne mińez-qylyǵyna baǵa berip, syrttaı kóre alýǵa múmkinshilik týady.
Serıal otbasylyq bolyp tabylady jáne barlyq jastaǵy kórermenderdi qyzyqtyrady degen oıdamyz. «Qazaqstan» arnasynda serıaldyń kórsetilimi 9 qańtardan bastalady.
«Óz kezeginde «Qazaqstan» arnasy barlyq kórermenderge jarqyn ári áserli jobalar daıyndap keler jyly nazarlaryńyzǵa usynýǵa daıyn ekendigin jetkizedi», - delingen habarlamada..
