2016 jyly qaýipsizdiktiń ulttyq elektrondy sertıfıkaty engiziledi
ASTANA. QazAqparat - QR Investıtsııalar jáne damý vıtse-mınıstri Sáken Sársenov qaýipsizdiktiń ulttyq elektrondy sertıfıkaty engizilýine jáne ınternetke shıfrlik qorǵaýy joq protokoldar arqyly kirýge tyıym salatyn normaǵa qatysty túsinikteme berdi.
«Shıfrlanǵan derektermen almasý baǵytyndaǵy qarym-qatynastardy retteýge qatysty ózgeristerge keletin bolsaq, bul jerde biz shetelden beriletin shıfrlanǵan qozǵalysyn retteý salasynda belgili bir normalar ózgertildi. Bul protsedýra Qazaqstan Respýblıkasynyń aýmaǵynda qyzmet kórsetetin resýrs paıdalanýshylardyń ózara qarym-qatynasyna qoldanylmaıdy. Men ınternet paıdalanýshylar arasynda týyndap júrgen suraqtardy bilemin. Men olarǵa aqparattardyń qupııalylyǵyna alańdamaýǵa bolady dep sendire alamyn», - dedi vıtse-mınıstr.
Sonymen qatar ol qaýipsizdiktiń ulttyq elektrondy sertıfıkaty engizilýine jáne ınternetke shıfrlik qorǵaýy joq protokoldar arqyly kirýge tyıym salatyn normaǵa qatysty túsinikteme berdi.
«HTTPS trafık degen uǵym bar. Ol - resmı trafık. Barlyq álem elderinde shıfrlik protokol málimetterin retteıtin osyndaı norma qabyldanǵan. Qazaqstan aýmaǵynda qyzmet kórsetetin kompanııalarǵa bul norma taralmaıdy.
Bul norma QR aýmaǵynda CTPS trafık arqyly qyzmet kórsetetin kontent-óndirýshilerge qatysty», - deıdi ol.
S. Sársenovtiń sózine qaraǵanda, jaqyn ýaqyttary osy máselelerdi retteıtin zań aktileri jasaqtalady.
«Ol aktiler jasalyp bolǵan soń, biz ony kópshilik nazaryna jarııalaımyz. Zań 2016 jyly 1 qańtarda kúshine enedi», - deıdi vıtse-mınıstr.
«Biz qaýipsizdik sertıfıkatyn engizemiz, ol - elektrondy kilt. Eger kez kelgen azamat odan bas tartsa da, ınternetke kirýge múmkindik bola beredi. Baılanys operatorlary kiltpen qamtamasyz etedi», - dedi S. Sársenov.
