2016 jyly qarjy ınstıtýtarynyń esepshotynan aqsha urlaýdyń 36 faktisi tirkeldi - QR ІІM
ASTANA. QazAqparat - Otandyq kásiporyndardyń esepshotynan aqsha urlaýmen aınalysqan hakerler ustaldy. Bul jaıynda QR Іshki ister mınıstrligi Memlekettik til jáne aqparat departamentiniń dırektory Almas Sadýbaev óziniń Feısbýktegi paraqshasynda jazdy, dep habarlaıdy QazAqparat.
«Polıtsııa qyzmetkerleri otandyq kásiporyndardyń jáne qazaqstandyq bank klınetteriniń esepshotynan aqsha qarajatyn urlaýmen aınalysqan 20 adamnan turatyn hakerlik toptyń áreketin tyıýǵa baǵyttalǵan operatsııa júrgizdi. Atalǵan qylmystyq toptyń uıymdastyrýshysy men barlyq qatysýshylarynyń múlikteri tárkilenip, túrli merzimge sottaldy», - dep jazdy Almas Sadýbaev.
Onyń aıtýynsha, qylmystyq top shamamen 60 mln. teńgeni qoldy qylǵan.
«Qarjy ınstıtýtarynyń esepshotynan aqsha qarajattaryn urlaǵan hakerlerdiń is-áreketi QR QK 188 baby, 2 tarmaǵy 4 tarmaqshasyna sáıkes jikteledi. 2016 jyly atalǵan bap boıynsha 36 fakti tirkelgen bolatyn», - dedi ol.
