2016 jyly Qaraǵandy oblysynda 486 memlekettik qyzmetker jazaǵa tartyldy
ASTANA. QazAqparat - 2016 jyly Qaraǵandy oblysynda 486 memlekettik qyzmetker tártiptik jazaǵa tartyldy. Bul týraly aımaq basshysy Nurmuhambet Ábdibekov halyqpen esep berý barysynda málimdedi.
«Oblysta sybaılas jemqorlyqtyń aldyn alý boıynsha keshendi sharalar júrgizilýde, jemqorlyqqa qarsy strategııa iske asyrylýda. Biz memlekettik qyzmetterdi usynýdyń sapasyn arttyrýǵa nıettimiz. Biraq keıbir oılarymyz júzege aspaıdy. Memlekettik qyzmetkerlerdiń jaýapkershiligin arttyrý úshin tártiptik sıpattaǵy sharalar qabyldanady», - dedi oblys ákimi.
Onyń málimetinshe, 2016 jyly qyzmettik mindetterin tıisinshe oryndamaǵany úshin memlekettik organdardyń 486 qyzmetkeri tártptik jaýapkershilikke tartyldy.
«Sonyń ishinde oblystyq basqarmalardyń 4 basshysy men qala ákimi de bar», - dedi Nurmuhambet Ábdibekov.
Atap aıtqanda, Mobılızatsııalyq daıyndyq basqarmasynyń basshysy Jomart Jylqybaevqa sógis jarııalandy; mádenıet basqarmasynyń basshysy Erkebulan Aǵymbaevqa eskertý jasalyp, sógis jarııalandy; densaýlyq saqtaý basqarmasynyń basshysy Erjan Nurlybaevqa sógis jarııalandy; veterınarııa basqarmasynyń basshysy Qaıyrbek Tursynbekovtyń laýazymy tómendetildi; Shahtınsk ákimi Serjan Aımaqovqa eskertý jasaldy.
