2016 jyly Eýropa úzdigi atanýǵa úmitker avtomobılder tizimi jarııalandy
ASTANA. QazAqparat - «Eýropadaǵy jyl avtomobıli» baıqaýynyń uıymdastyrýshylary 2016 jyly úzdik atanýǵa úmitker kólikterdiń tizimin jarııalady, dep habarlaıdy carscope.ru.
Jalpy, tizimge 40 jańa kólik modelderi engen, olar osy jyldyń sońyna deıin satylymǵa shyǵady. Sonymen, «Car of the Year 2016» eýropalyq baıqaýyna úmitker kólikter tiziminde Alfa Romeo Giulia, Audi A4, BMW 7 Series, Fiat Aegea, Ferrari 488 GTB, Ford S-MAX/Galaxy, Honda HR-V, Honda Jazz, Hyundai Tucson, Infiniti Q30, Jaguar XE, Jaguar XF, Kia Optima t.s.s. bar. Sondaı-aq Land Rover Discovery Sport, Mazda2, Mercedes-Benz GLC/GLC Coup, Opel/Vauxhall Astra, Renault Espace, Skoda Superb, Suzuki Vitara, Volkswagen Touran, Toyota Mirai da óz baqtaryn synap kórmek.
Baıqaý jeńimpazy Jeneva avtosalony qarsańynda - 2016 jyldyń 29 aqpanynda belgili bolady.
Aıta keteıik, segizinshi býyndaǵy Volkswagen Passat 2015 jyly Eýropadaǵy jyl avtomobıli atandy, ekinshi jáne úshinshi oryndar Citroen C4 Cactus pen Mercedes-Benz C-Class buıyrdy.
