2016 jyly elordada 8 shaqyrymnan artyq jol jóndeledi
ASTANA. QazAqparat - 2016 jyly Astanada uzyndyǵy 8 shaqyrymnan artyq joldy jóndeý josparlanǵan, dep habarlaıdy elorda ákimdiginiń baspasóz qyzmetinen.
Merdigerlik uıymdar Táýelsizdik dańǵylynda B.Momyshuly dańǵylynan bastap A.Baıtursynov kóshesine deıin 1,5 km, Orynbor kóshesinde Kereı men Jánibek handar kóshesinen Hýseın ben Talal kóshesine deıin 2 shaqyrym jolǵa asfalt tósemek. Sonymen qatar Bókeıhan kóshesinde 500 m asfalt tóselmek, Bógenbaı batyr dańǵylynda Saryarqa dańǵylynan Kúmisbekov kóshesine deıin 780 m, Baraev kóshesinde, «Ramstor» SÚ janyndaǵy kópirde, Qabanbaı batyr dańǵylynda 1 shaqyrym jol jóndeledi. Táshenov kóshesinde Táýelsizdik dańǵylynan Taha Hýseın kóshesine deıin 700 m jáne Petrov kóshesinde Sátpaev kóshesinen Muńaıtpasov kóshesine deıin 1680 m jol salý kózdelgen. Astana qalasy Avtomobıl joldary basqarmasynyń habarlaýynsha, keler jyly Baıtursynov jáne Nájimedenov kóshelerin jańa temirjol vokzalyna deıin salý jumystary jalǵasady. Jańa temirjol vokzalyna barar jolmen qamtamasyz etý úshin Qordaı kóshesinen Qaldaıaqov kóshesine deıingi ýchaskede jańa A82 jáne A62 kóshelerin salý josparlanǵan. Eske salaıyq, 2015 jylǵy jaǵdaı boıynsha qalanyń kólik júıesi jalpy uzyndyǵy 964,1 shaqyrymdy quraıtyn 953 kósheden turady, sonyń ishinde 705,2 shaqyrym (73,1 %) jolǵa asfalt-beton jabyny tóselgen, 258,9 shaqyrym (26,9%) jol qatty jabynsyz, 8 kólik jolaıyryǵy, 17 kólik kópiri, 4 jaıaý júrginshilerge arnalǵan kópir, 9 jol ótkeli bar.
