2016 jyly elimizde 74 mln. tonna munaı óndirý boljanady - E. Dosaev

ASTANA. QazAqparat - 2016 jyly elimizde 74 mln. tonna munaı óndirý boljanady. Bul týraly búgin Parlament Senatynyń jalpy otyrysynda «2016-2018 jyldarǵa arnalǵan respýblıkalyq bıýdjet týraly» Zańǵa ózgerister men tolyqtyrýlar engizý týraly» zań jobasy týraly baıandaǵan QR Ulttyq ekonomıka mınıstri Erbolat Dosaev málim etti.

Onyń aıtýynsha, aǵymdaǵy jyly aýyl sharýashylyǵy jalpy óniminiń kólemi 3,5 paıyzdyq deńgeıge ósetini boljanady. 2016 jyly ónerkásip óndirisi 2,0 paıyzǵa tómendeýi de qarastyrylǵan.

«Bul negizinen taý-ken ónerkásibiniń 5, qaıta óńdeý ónerkásibiniń 1,4 paıyzǵa qysqarýy saldarynan oryn almaq. Sonymen qatar, 2016 jyly elimizde munaı óndirý 74 mln. tonnany quraıtyn bolady. Al Ulttyq banktiń boljamy boıynsha 2016 jyly ınflıatsııa 6,0-8,0 paıyz dálizinde boljanady. Bul buǵan deıingi bekitilgen kórsetkishke saı keledi», dedi E. Dosaev.