2016 jyly ekonomıkanyń naqty ósimi 2,1 paıyzdy quraıdy - E. Dosaev
ASTANA. QazAqparat - 2016 jyly ekonomıkanyń naqty ósimi 2,1 paıyzdy quraıdy. Búgin Senatta «2016 - 2018 jyldarǵa arnalǵan respýblıkalyq bıýdjet týraly» zań jobasynyń tanystyrylymy barysynda QR Ulttyq ekonomıka mınıstri Erbolat Dosaev osylaı málimdedi.
«Qazaqstan ekonomıkasy jyldyń basynan beri álemdik ekonomıka ósýiniń báseńdeýi, negizgi shıkizat taýarlaryna baǵa men suranystyń tómendeýi jaǵdaılarynda damyp keledi. Eýropalyq Odaq ekonomıkasyndaǵy deflıatsııa men stagnatsııa táýekeldigi, sońǵy otyz jyldaǵy Qytaı ekonomıkasynyń eń tómengi ósý qarqyny men Reseı ekonomıkasyndaǵy retsessııa Qazaqstan ekonomıkasyndaǵy iskerlik belsendiliktiń báseńdeýine ákeldi», -deıdi Erbolat Dosaev.
Mınıstrdiń sózine qaraǵanda, 2016 jyly ekonomıkanyń naqty ósimi 2,1 paıyzdy, 2017 jyly 3,6 paıyzdy, 2018 jyly 2,9 paıyzdy quraıtyn bolady. Bul kórsetkish 2019 jyly 2,9 paıyz, 2020 jyly 2,9 paıyz deńgeıinde boljanyp otyr.
«Ónerkásip 2016 jylǵy 0,4 paıyzdan 2020 jyly 4 paıyzǵa deıin ósetini boljanady. Bul 2020 jyly taý-ken óndirý ónerkásibiniń 6,8 paıyzǵa ósýi esebinen qalyptasady. Osy rette munaı óndirý kólemi 2016 jyly - 77,0 mln. tonnany, 2017 jyly - 79,0 mln. tonnany, 2018 jyly - 82,0 mln. tonnany, 2019 jyly - 84,0 mln. tonnany jáne 2020 jyly 92,0 mln. tonnany quraıdy», - dedi E. Dosaev.
