2016 jyly biliktiligin arttyrǵan ustazdar sany 73 myńnan asyp jyǵylady
ASTANA. QazAqparat - 2016 jyly Qazaqstanda biliktiligin arttyrǵan ustazdar sany 73 myńnan asyp jyǵylatyn bolady. Bul týraly búgin bilim berý qyzmetkerleriniń respýblıkalyq tamyz keńesinde QR Premer-Mınıstriniń orynbasary Gúlshara Ábdiqalyqova aıtty.
«Pedagogterdi kásibı turǵyda damytý úshin biliktilik arttyrý ortalyqtary quryldy. Pedagog kadrlardy daıyndaý jáne biliktilikterin artyrý júıesi jetildirildi. Kembrıdj ýnıversıtetimen birlesip, biliktilik arttyrýdyń 3 deńgeıli júıesi engizildi», - dedi G.Ábdiqalyqova.
Vıtse-premerdiń atap ótýinshe, 2012-2014 jyldar aralyǵyna 150 myń adam qysqa merzimdi kýrstan, 39 myń adam úsh aılyq kýrstan ótken. Sonyń nátıjesinde atalǵan ustazdardyń jalaqylary 30-dan 100 paıyzǵa deıin ósken.
«2014 jyldyń sońyna deıin - 9 770, 2015 jyly - 16 592, 2016 jyly - 16 590 pedagogti oqytý josparlanýda. Nátıjesinde 2016 jyly 73 123 oqytýshy bilim alady», - dedi ol.
