2016 jyly «Beıneý-Bozoı» ýchaskesin iske qosqan soń eldiń ońtústigine gaz jetkizý máselesi tolyq sheshiledi - «QazTransGaz» basshysy
ASTANA. QazAqparat - 2016 jyly uzyndyǵy 311 shaqyrymdyq «Beıneý-Bozoı» ýchaskesin iske qosqan soń eldiń ońtústigine gaz jetkizý máselesi tolyq sheshiledi.
Bul týraly búgin baspasóz máslıhatynda «QazTransGaz» AQ Bas dırektory Serik Sultanǵalı málimdedi.
«2016 jyly uzyndyǵy 311 shaqyrymdyq «Beıneý-Bozoı» ýchaskesin iske qosqan soń BBSh magıstrali tolyq jobalyq qýatqa shyǵady jáne eldiń ońtústigine gaz jetkizý máselesi sheshiledi», - dedi ol.
Kompanııa basshysynyń aıtýynsha, búginde qolda bar resýrstar, atap aıtqanda «Bozoı-Shymkent» jańa gaz qubyry gazben jabdyqtaýdy baqylaýda ustaýǵa múmkindik beredi.
Aıta keteıik, «Bozoı-Shymkent» ýchaskesi qazirgi kezde jylyna 2,5 mlrd. tekshe metr kóleminde gaz tasymaldaı alady. Jańa magıstraldiń qazirdiń ózinde gaz qubyrynyń boıynda jatqan 500 eldi mekendi gazben qamtamasyz etýge múmkindigi bar. Osyndaı pýnktterdiń biri - Túrkistan qalasy. Oǵan «QazTransGaz» AQ ótken jyldyń jeltoqsan aıynda tabıǵı gaz júrgizgen bolatyn.
«Túrkistan qalasyna túıisetin gaz qubyryn paıdalanýǵa engizip, biz gazdy qalanyń irgesine deıin jetkizdik. Al ishki jelilerdi jergilikti bılik organdary ózderi júrgizedi. Búginde Túrkistan ákimdigi osy máselege qatysty belsendi jumystar atqaryp jatyr», - dedi S. Sultanǵalı.
