2016 jyly barsha ákimshilik memlekettik qyzmetshiler keshendi attestattaýdan ótedi
ASTANA. QazAqparat - Aldaǵy jyly barsha ákimshilik memlekettik qyzmetshilerdiń keshendi attestatsııasy júrgiziledi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi Memlekettik qyzmet jáne sybaılas jemqorlyq profılaktıkasy departamentiniń basshysy Álı Kómekbaev málim etti.
«Memlekettik apparattyń kásibıligin arttyrýdyń basqa tetikteriniń biri 2016 jyly barsha ákimshilik memlekettik qyzmetkerlerdiń attestıtsııasyn júrgizý bolady. Jalpy attestatsııany ótkizý kezinde qyzmetkerdiń zańnamany bilýi deńgeıi ǵana emes, sonymen qatar memqyzmetkerlerdiń jeke jáne kásibı quzyreti de baǵalanady. Bul turǵyda adamnyń óziniń qyzmettik mindetterin tıimdi oryndaýy basta nazarda bolady»,-dedi ol.
Onyń sózine qaraǵanda, ákimshilik memqyzmetkerlerdiń quzyretin baǵalaý úshin testileý, sıtýatsııalyq tapsyrmalar, keńesý sekildi sharalar ótkiziledi. Attestatsııa nátıjesi memqyzmetkerlerdi damytýdyń josparyn qurýdyń negizi bolmaq.
Osy oraıda ol attestatsııanyń basty maqsaty qyzmetkerlerdiń áleýetin anyqtaýǵa baǵyttalyp otyrǵandyǵyn atap ótti.
