2016 jyly barlyq qazaqstandyqtardyń armany oryndalsyn dep tileımin - N.Nazarbaev
ASTANA. QazAqparat - Búgin Astanada bas shyrshanyń shyraǵyn jaǵý saltanatyna qatysa otyryp, Memleket basshysy Nursultan Nazarbaev barsha qazaqstandyqtardy kele jatqan Jańa 2016 jylmen quttyqtady.
"Barlyqtaryńyzdy kele jatqan Jańa jyl merekesimen quttyqtaımyn. Búgin Astanada elimizdiń bas shyrshasynyń shamyn jaqtyq. Týra bir aıdan keıin jańa jyl bosaǵamyzdan attaıdy. Bir aı boıy barlyǵymyz armandap, jańa jylǵa jańa maqsattar josparlaımyz. 2016 jyly barsha qazaqstandyqtardyń armandary oryndalsyn dep tileımin", - dedi elorda turǵyndary men qala qonaqtaryn quttyqtaǵan Memleket basshysy.
Aıta keteıik, bıyl uzyndyǵy 25 metr bas shyrsha elordadaǵy «Han Shatyr» oıyn saýyq ortalyǵynyń aldyndaǵy muz qalashyǵynyń aýmaǵyna ornalastyrylǵan. Elbasy Nursultan Nazarbaev shyrshany kórýge kelgen barlyq otandastaryn Qazaqstannyń kemel bolashaǵy úshin eńbek etýge shaqyrdy.
"Biz Otanymyz Qazaqstandy jaqsy kóremiz, elordamyz Astanany maqtan etemiz. Jerimizdi, ózen-sýlarymyzdy, taý-tasymyzdy, orman-kólderimizdi súıemiz. Otansyz adam ormansyz bulbul degen. Barlyqtaryńyzdy kele jatqan Jańa jyl merekesimen quttyqtaımyn. Jumystaryńyzǵa jemis, oqýlaryńyzǵa səttilik tileımin. Baqytty bolyńyzdar!" - dedi Elbasy N.Nazarbaev.
