2016 jyly áýe bıletteriniń quny 40 paıyzǵa ósken
«Bılet baǵasynyń joǵarylaýy, kórsetilmegen qyzmet úshin qarajatty qaıtarmaý, reısterdiń keshigýi, júktiń joǵalýy azamattardyń narazylyǵyn týdyryp jatyr. Bıyl áýe bıletteriniń quny ortasha eseppen 40%-ǵa joǵarylap otyr. Keıbir baǵyttarǵa tipti 77% ósken», - dedi Amanov QR Bas prokýratýrada ótken alqa májiliste.
Áýe bıletteriniń osylaısha kúrt ósýine qatysty antımonopolııalyq organ tergeý júrgizýde, dedi prokýror.
«Tergeý nátıjeleri tasymaldaýshylardyń bul is-áreketteriniń qanshalyqty dáleldi ekenin anyqtap beredi», - deıdi Amanov.
Sonymen qatar ol qoldanylmaǵan bıletterdiń aqshasyn qaıtarýǵa qatysty máseleni de kóterdi. Onyń aıtýynsha, keıbir kompanııalar ushyrylymǵa bir saǵat qalǵanda qaıtarylǵan bıletter qunynyń 50%-yn qaıtarmaıdy. Bundaı zańsyzdyqtardy boldyrmaý maqsatynda prokýrorlar arnaıy sharalar qabyldaıtyn bolady.
«Basqa aryz-shaǵymdar júkterdiń joǵalyp ketýine qatysty bolyp otyr. Bıyldyń ózinde júktiń kelmeýine qatysty 800 oqıǵa tirkelgen. Ondaǵy 24 oqıǵa boıynsha júk áli tabylǵan joq», - dedi Amanov.