2016 jyly ata-ana atanǵan juldyzdar
ASTANA. QazAqparat - Qazaq shoý-bıznesiniń kóptegen ókili ótken jyly ata-ana atandy. Olardyń biri analyq jáne ákelik baqytty alǵash sezinse, biri ekinshi, úshinshi, tórtinshi sábılerin qushaqtaryna alyp jatty, dep habarlaıdy QazAqparat gakku.kz-ke silteme jasap.
Búrkit pen Aısha
Búrkit pen Aısha shaqalaqtaryn 2016 jyldyń 8 qańtary kúni qoldaryna aldy. Dúnıege Omar esimdi ekinshi uldary keldi. Tuńǵyshtary Zeıin 8 qazanda týǵan bolatyn.
Ásem Jaketaeva
2016 jyldyń basynda aktrısa jáne buryńǵy ánshi Ásem Jaketaeva alǵash ret ana boldy. Bul qýanysh jóninde 25 qańtarda Ásemniń ózi Instagramdaǵy paraqshasynda habarlady. Otbasylyq jup tuńǵysh qyzdaryna Aısana esimin berdi.
Dınara Qyryqbaeva
Ótken jyly ana atanǵan taǵy bir tanymal tulǵa - Dınara Qyryqbaeva. 28 qańtar kúni ol dúnıege qyz bala ákeldi. Esimi - Aısha. Dınara otbasyn qurǵaly shoý-bıznes ómirinen alshaqtap, ýaqytyn analyq mindetti oryndaýǵa arnady. Ánshi kógildir ekrannan kópten kórinbegenine qaramastan, onyń tanymaldylyǵy kemigen joq. Ol áleýmettik jelide óte belsendi.
Aıqyn Tólepbergen
Qazaqstan estradasynyń súıikti ánshisi Aıqyn mamyr aıynda ekinshi ret áke atandy. Qyz balany Asylym dep atady. Aıta keteıik, 2011 jyly Aıqynnyń tuńǵyshy - ul bala dúnıege kelgen bolatyn.
Álen Samykenov pen Ǵalııa Muratova
Qýanyshty oqıǵa ánshi Álen Samykenov pen ASSYL tobynyń eks-solısi Ǵalııa Muratovanyń otbasynda da boldy. Shyǵarmashyl januıa 18 naýryz kúni uldy boldy. Oǵan Álıar esimi berildi.
Rano Omarova
6 mamyr kúni Rano Omarova resmı túrde ana atandy! Prodıýser dúnıege Ámirhan esimdi ul ákeldi. Baqytty otbasyn alǵashqy bolyp quttyqtaǵan ánshi Lýına bóbektiń ókil sheshesi boldy.
Sanjar Mádıev
Akter Sanjar Mádıev úshin otbasy - bul qupııa orta. Sondyqtan ol jeke ómiri týraly aıtýdan ádette tartynady. Ol Instagramǵa týǵandarynyń sýretterin sırek salady. Biraq kópten kútken shaqalaǵy dúnıege kelgende, qýanyshyn elden jasyra almady. Zaıyby Móldir oǵan qyz syılady. Sanjar 2014 jyly úılendi.
Erbolat Bedelhan
2016 jyldyń qazanynda Bedelhandar áýletine de súıinshi habar jetti. "Orda" tobynyń solısi, prodıýser Erbolat pen áıeli Asyl úshinshi ret ata-ana boldy. Kenje qyzǵa Іnjý esimi tańdalypty. «Kindik sheshe» bolý qurmetti de jaýapty mindet Ásel Sádýaqasovaǵa júkteldi.
Arman Qonyrbaev pen Asha Mataı
Endigide Qazaqstan shoý-bıznesindegi eń súıkimdi juptyń ómiri burynǵydan ózgeshe bolady. Arman Qońyrbaev pen Asha Mataıdyń otbasynda eń basty adam paıda boldy. Asha 31 qazan kúni Asylym esimdi qyzdy dúnıege ákeldi.
Álııa Ánýarbek
20 qarashada Álııa Ánýarbek (Telebarısova) alǵash ret ana boldy. Álııa bul jańalyǵymen birden Instagramdaǵy paraqshasynda bólisti. Eske salaıyq, aktrısa 2014 jyly Azamat esimdi jigitke turmysqa shyqty. Saltanatty sharadan keıin olar Astanaǵa kóship keldi.
Móldir Áýelbekova
24 qarasha kúni Móldir Áýelbekova men onyń jubaıy Arystan uldy boldy. Shaqalaqtyń salmaǵy - 3,100 kg, boıy - 52 santımetr.
Dınara Sultan
Ótken jyl belgili ánshi Dınara Sultannyń otbasyna da qýanysh syılady. Dınara kópten kútken uldaryn dúnıege ákeldi. Juldyzdyń buǵan deıin úsh qyzy bar bolatyn. Náresteniń esimi - Musa.
