2016 jyly arnaıy ekonomıkalyq aımaqtarda 100 mlrd. teńgege 25 joba iske qosylady

ASTANA. QazAqparat - 2016 jyly arnaıy ekonomıkalyq aımaqtarda 100 mlrd. teńgege 25 joba júzege asyrylady. Bul týraly Ortalyq kommýnıkatsııalar qyzmetinde ótken brıfıngte «KAZNEX INVEST» AQ basshysynyń orynbasary Almas Aıdarov málim etti.

Jobalar 2 myńnan astam jańa jumys ornyn ashýǵa jaǵdaı jasaıdy dep josparlanǵan.

«Bizde arnaıy ekonomıkalyq aımaqtardy damytýdyń naqty strategııasy bar. Árbir AEA úshin onyń damý baǵyty kórsetilgen. 10 aımaq jeke-jeke klaster qurýy tıis. Máselen, «Qorǵas - Shyǵys qaqpalary» arnaıy ekonomıkalyq aımaǵynda zamanaýı logıstıkalyq ortalyq salynyp jatyr. Al «Astana - jańa qala» AEA-da temirjol qurylysy salasynyń klasteri qalyptasty dese de bolady. «Ońtústik» AEA-da mata jeńil ónerkásip myqty qolǵa alynsa, Atyraý jáne Pavlodar arnaıy ekonomıkalyq aımaqtarynda hımııa klasteri damýda», - dep atap ótti A. Aıdarov.

Onyń sózderine qaraǵanda, 147 kásiporyn AEA-da jumys jasaıdy, taǵy 100 joba iske asyrý josparda bar. A.Aıdarov olar arnaıy ekonomıkalyq aımaqtarǵa kirmes buryn jiti taldaýdan ótedi. Ol aımaqtarǵa tek qosymsha quny joǵary taýarlar shyǵaratyn óndirister men Astananyń damýyna qajetti mańyzdy jobalar ǵana jiberiledi.

«Bizdiń josparymyz boıynsha, 2016 jyly arnaıy ekonomıkalyq aımaqtarda 100 mlrd. teńgege 25 joba iske qosylady. Onda shamamen 2 myń jumys orny ashylady», - dedi KAZNEX INVEST basshysynyń orynbasary.