2016 jyly Almatynyń birqatar iri kósheleri abattandyrylady
ALMATY. QazAqparat - 2016 jyly Almatynyń birqatar iri kósheleri abattandyrylady. Bul týraly qalalyq memlekettik sáýlet jáne qurylys basqarmasy málim etti.
Basqarmada bıyl qandaı aýdandar abattandyrylatyny habarlandy. Qazirgi tańda jobalaýshylar bas jospardyń qaı pýnktterine ózgeris enetini jáne qala sáýletiniń beınesin talqylap jatyr. Osyǵan qaraı turǵyn úılerdiń, qoǵamdyq ǵımarattardyń qasbeti men aýmaqtar abattandyrylatyn bolady.
Belgilisi, dat sáýletshisi ıAn Geıldiń tujyrymyna sáıkes velosıped jolaqtary men jaıaý júrgin joldary jasalatyn bolady.
Atap aıtqanda, 2016 jyly Baıseıitova kóshesiniń Bógenbaı batyr men Sátbaev kóshesine deıingi bóliginde, Jibek Joly kóshesiniń Naýryzbaı batyrdan Ortalyq demalys saıabaǵyna deıingi bóliginde, Gogol kóshesiniń Qaldaıaqovtan Jeltoqsan kóshesine deıingi bóliginde, Panfılov kóshesiniń Qabanbaı batyrdan Gogol kóshesine deıingi bóliginde, Áıteke bı kóshesiniń Jeltoqsannan Ortalyq saıabaqqa deıingi bóliginde kóriktendirý jumystary júrgiziledi.
«Eski baspanany súrý» 2015-2020 jyldarǵa arnalǵan ınvestıtsııalyq baǵdarlamasyna sáıkes qaladaǵy karkas-qamystan jasalǵan eski baspanalar súrilip, jańa úıler boı kóteretin bolady.
