2016 jyly Almatyda ótetin cport baspasózi kongresine 126 eldiń ókilderi qatysady
ASTANA. QazAqparat - Almatyda ótetin halyqaralyq kongreske álemdik sport baspasóziniń jetekshi ókilderi keledi.
«Halyqaralyq sport baspasózi qaýymdastyǵynyń prezıdenti Djannı Merlomen ýaǵdalastyqqa qol jetkizildi. Onymen Barselonda kezdesip, Almatyda pikirtalas alańyn uıymdastyrýǵa kelistik. Shara aýqymdy deńgeıde ótedi, oǵan 126 eldiń ókilderi qatysady. Negizinen, Merlonyń tańdaýynda eki qala boldy - Almaty men Kýala-Lýmpýr. Ol bizdiń qalaǵa toqtaldy. Endi sharanyń ótetin ýaqyty naqtylanýda, ol 2016 jylǵy qyrkúıek ne qazan aıyna belgilenýi múmkin», - dedi «Almaty ýnıversıadasy-2017» memlekettik qorynyń dırektory Ilıa Orazaqov.
Sondaı-aq I.Orazaqov taıaýda Qazaqstanda birin-biri qaıtalaıtyn eki uıym - Sport baspasózi federatsııasy men Sport baspasózi qaýymdastyǵy zańdy túrde biriktiriletinin aıtty, dep jazady vesti.kz. «Qyrkúıekke deıin bul másele sheshiledi dep oılaımyn. Bizdiń sońǵy qorytyndy otyrysymyz Astanada ótedi, sodan keıin memorandýmǵa qol qoıylyp, ekeýi bir qurylymǵa birigetin bolady», - dedi qor basshysy.
