2016 jyly álem boıynsha 70 jýrnalıst qaza bolǵan
ASTANA. QazAqparat - Ótip bar jatqan jyly álem boıynsha 74 jýrnalıst qaza bolǵan, dep habarlady «Reportery bez granıts» quqyq qorǵaý uıymy. Bul týraly Reseıdiń Interfaks agenttigi habarlady.
Eń kóp jýrnalıst qaza bolǵan el ótken jyldaǵydaı Sırııa bolyp otyr. Bul elde 19 tilshi mert bolǵan. Aýǵanstanda - 10, Meksıkada - 9, Irakta - 7, Iemende 5 jýrnalıst kóz jumdy.
Quqyq qorǵaý uıymy ókilderiniń málimetterinshe, 2016 jyly qaza bolǵan tilshilerdiń 9-y bloger, 8-i buqaralyq aqparat quraldarymen jumys istep júrgen azamattar bolatyn.
«Jýrnalısterge qatysty zorlyq-zombylyq áreketteri kún ótken saıyn ádeıi oılastyrylatyn bolyp bara jatyr»,-dedi Krıstof Delýar uıymynyń bas hatshysy.
«Olardyń kópshiligi sol jýrnalıst bolǵandary úshin óltirilgeni aıdan anyq»,-dep qosty ol.
2015 jylmen salystyrǵanda qaza bolǵan jýrnalıster sany edáýir qysqarǵan. Aldyndaǵy jyly 101 tilshiniń qaza bolǵany týraly aıtylǵan edi.
Foto: pixabay.com
