2016 jyly Aqtaýdaǵy qurǵaq júk termınaldary paıdalanýǵa beriledi
ASTANA. 26 qarasha. QazAqparat - Bul týraly búgin Úkimet otyrysynda Kólik ınfraqurylymyn 2020 jylǵa deıin damytý memlekettik baǵdarlamasyn tanystyrý kezinde QR Kólik jáne kommýnıkatsııa mınıstri Asqar Jumaǵalıev málim etti.
Búginde Aqtaýda porttyń ótkizý qabilettiligin keńeıtý jobasy iske asyrylýda, osy oraıda qurǵaq júkke negizdelgen 3 termınaldyń qurylysy qarastyrylǵan. «Sý kóligi ınfraqurylymyn damytý aıasynda Aqtaý portyn keńeıtý kózdelip otyr. Búginde tıisti jumystar júrgizilýde. Qurǵaq júktiń 3 termınalyna toqtalatyn bolsaq, jeke ınvestıtsııa esebinen bul nysandar 2016 jyly paıdalanýǵa beriledi»,-dedi mınıstr. A. Jumaǵalıevtiń sózine qaraǵanda, Aqtaý portynyń ótkizý qabilettiligi jylyna 16,8 mıllıon tonnadan 20,5 mıllıon tonnaǵa deıin artatyn bolady.
