2016 jyly Air Astana 300 buzaqyny tirkedi
ASTANA. QazAqparat - «Air Astana» áýe kompanııasy 2016 jyldyń qańtary men qarashasy aralyǵynda 3,4 mln jolaýshy tasymaldaǵan. Solardyń arasynda 311 adam bort ishinde buzaqylyq jasaǵan, dep habarlaıdy QazAqparat tilshisi.
«2016 jyldyń qańtary men qarashasy aralyǵynda 3 442 048 jolaýshy tasymaldadyq. Osy ýaqyt aralyǵynda 311 jolaýshy beıádep qylyq kórsetti», - deıdi kompanııanyń baspasóz qyzmeti QazAqparat tilshisiniń suraǵyna jaýap bere otyryp.
Keıbir jolaýshylar tipti polıtsııa qolyna túsken eken.
Mysaly, ótken jyldyń sáýirinde Almatydan Gonkongqa ushqan halyqaralyq reıske bir jolaýshy keshigip qalǵan eken. Keıin ol áýejaıdyń bılet satatyn bólimine keldi. Kelesi reıs 5 kúnnen keıin ekenin jáne qaıta brondaý úshin aıyppul tóleý kerek ekenin estigen ol qabyrǵany bir uryp, syndyryp ketti. Bılet satatyn agentti balaǵattap, aqshasyn qaıtaryp berýdi talap etti.
«Ol jolaýshyny polıtsııaǵa tapsyryp, erekshe baqylaýdy talap etetin jolaýshylar qataryna qostyq», - dep habarlady kompanııanyń baspasóz qyzmeti.
