2016 jyly 8 myń qazaqstandyq aty-jónin aýystyrǵan
ALMATY. QazAqparat - Qazaqstanda 2016 jyly aty, tegi, ákesiniń atyn aýystyrý týraly 8 myń akt tirkeldi. «QazAqparattyń» arnaıy saýalyna baılanysty QR Ádilet mınıstrligi osyndaı málimet berdi.
«AHAJ tirkeý bólimi Aqparattyq júıesiniń usynǵan derekteri, 2015 jyly 7156 adam esimin, tegin, ákesiniń atyn aýystyrý aktisi tirkeldi. 2016 jyly 7843 akti, 2017 jyldyń 1-shi toqsanynda 1833 akti tirkelgen», - dep habarlady mınıstrlikten.
Zań boıynsha, qazaqstandyqtar 13 sebeppen ǵana esimin, ákesiniń atyn jáne tegin aýystyra alady. Osylardyń ishinde, ákesiniń nemese atasynyń aty boıynsha tegin aýystyrǵysy keletin jaǵdaılar kóp kezdesedi.
«Tirkeý organdary óz esimin, tegin jáne ákesiniń atyn ózgertkisi kelgen adamnyń ótinishin 16 jasqa tolǵannan keıingi jeke ótinishi boıynsha tirkeıdi. Jeke málimetterin ózgertkisi keletinderdiń ortasha jasy 26-33 jas aralyǵynda», delingen vedomstvo málimetinde.
