2016 jyly 7 uıymdasqan qylmystyq top ustaldy - Shpekbaev
ASTANA. QazAqparat - 2016 jyly 7 uıymdasqan qylmystyq top quryqtaldy. Bul týraly búgin Úkimet otyrysynda QR Memlekettik qyzmet isteri jáne jemqorlyqqa qarsy is-qımyl agenttigi tóraǵasynyń orynbasary Alık Shpekbaev málim etti, dep habarlaıdy QazAqparat.
"Biz jemqorlyq shemalaryn anyqtaý jumysyna kóp kóńil bólip kelemiz. 2016 jyldyń ózinde 7 uıymdasqan qylmystyq toptyń qyzmeti anyqtalyp, 90-nan astam laýazymdy qyzmetker qylmystyq jaýapkershilikke tartyldy. Mundaı qylmystyq toptar Almaty, Aqtóbe, Aqmola, Jambyl, Qaraǵandy, Soltústik Qazaqstan jáne Ońtsútik Qazaqstan oblystarynda qyzmet etken", - dep atap ótti Alık Shpekbaev.
Agenttik tóraǵasynyń orynbasary atap ótkenindeı, Ońtústik Qazaqstan oblysynda Tirkeý-emtıhan alý bóliminiń bastyǵy basqaryp kelgen qylmystyq top ustaldy. Sot aldyndaǵy tergeý aıasynda 50 laýazymdy tulǵa qylmystyq iske tartylyp otyr, onyń 34-i qamaýǵa alynǵan.
Shpekbaevtyń sózinshe, byltyr jemqorlyqtyń 89 faktisi tirkelgen. Olar boıynsha 360 adam qylmystyq jaýapkershilikke tartylýda. Olardyń qatarynda Esep komıtetiniń aýdıtorlary, Geologııa jáne jer qoınaýyn paıdalaný komıtetiniń laýazymdy qyzmetkerleri, «Báıterek-Development» pen «Qazaqavtojol» top-menedjerleri qurǵan qylmystyq shemalar da bar. Olardyń toptarynda keminde 20 adam bolǵany anyqtaldy.
