2016 jyly 102 mlrd. teńgege 1034 túrli dári-dármek pen medıtsınalyq maqsattaǵy jabdyqtar satyp alý josparlanǵan
ASTANA. QazAqparat - 2016 jyly 102 mlrd. teńgege 1034 túrli dári-dármek pen medıtsınalyq maqsattaǵy jabdyqtar satyp alý josparlanǵan. Bul týraly búgin QR Prezıdenti janyndaǵy OKQ-de ótken brıfıngte «SK-Farmatsııa» JShS basqarmasynyń tóraǵasy Nurjan Álibaev málim etti.
«Densaýlyq saqtaý salasyn júzege asyrý úshin qurylǵan biryńǵaı dıstrıbıýtordyń 6 jyldyq jumysy barysynda 440 mlrd. teńgege dári-dármek satyp alyndy. Birinshi kezekte olar týberkýlez, JITS, gepatıt, dıabet syndy áleýmettik mańyzy bar aýrýlardy, sonymen qatar onkologııalyq jáne onkogematologııalyq patologııalardy emdeýge arnalǵan. Bul kezeńdegi únem 37 mlrd. teńgeden asyp jyǵylady», - dedi ol.
Basqarma basshysynyń atap ótýinshe, mundaı nátıjege eki deńgeıli tender protsedýrasyn qoldanýdyń arqasynda qol jetkizilip otyr. Birinshi kezeńde biliktilik talaptaryna sáıkes áleýetti jetkizý iriktep alynsa, ekinshi kezeńde baǵalardy tómendetý boıynsha aýktsıon júrgiziledi.
«2016 jyly jalpy somasy 102 mlrd. teńgeni quraıtyn 1034 túrli dári-dármek pen medıtsınalyq maqsattaǵy jabdyqtardy satyp alý josparlanǵan. 20 jeltoqsandaǵy jaǵdaıǵa sáıkes 78,6 mlrd. teńge somaǵa 830 túrli dári-dármek satyp alyndy. Satyp alýlar 2014 jylǵy baǵamen júrgizildi. Biz medıtsınalyq uıymdarǵa bul medıkamentterdi 2016 jyldyń 1 qańtarynan jetkize bastaımyz», - dedi N.Álibaev.
