2016 jylǵy jazǵy Olımpıada oıyndarynyń alaýy jaǵyldy
ASTANA. QazAqparat - 2016 jylǵy XXXI jazǵy Olımpıada oıyndarynyń alaýyn jaǵý rásimi Ejelgi Olımpııada ótti, dep habarlady RIA Novostı.
Jazǵy Olımpıadalyq oıyndar 5-21 tamyzda Rıo-de-Janeıroda ótedi. Rásimnen keıin Gera shirkeýinde olımpıadalyq alaý estafetasy bastalady. Ol birinshi kúnderi Grekııa aýmaǵynda ótedi, 27 sáýirde Rıo-2016 uıymdastyrý komıtetiniń delegatsııasyna tabystalady.
Dástúr boıynsha estfetany grekııalyq sportshy bastaıdy. Osy joly alaýdy sport gımnastıkasy boıynsha 2015 jylǵy álem chempıony 25 jastaǵy Elefterıos Petrýnıas ustap shyǵady. Estafetanyń óz kezeńinen soń ol eskertkish aldynda alaýdy brazılııalyq voleıbol boıynsha eki dúrkin álem chempıony Djovane Gavıoǵa tabystaıdy. Grekııada alaýdy elde taǵdyrynyń sheshilýin kútip otyrǵan myńdaǵan bosqyndardyń biri alyp ótedi.
Brazılııada estafeta el astanasynda 3 mamyrda bastalady. Oıyndar júretin el aýmaǵynda alaýdy 12 myń adam alyp ótedi. Estafeta Rıo-do-Jaıneroda 5 sáýirde Olımpıada ashylatyn kúni Marakana stadıonynda aıaqtalady. Olımpıada oıyndarynyń bas rámizi stadıonda 21 tamyzda oıyn aıaqtalǵanǵa deıin janyp turady.
