2016 jylǵy sáýirde ınflıatsııa 0,6 paıyzdy qurady - QR Ulttyq banki

ALMATY. QazAqparat- QR Ulttyq ekonomıka mınıstrligi Statıstıka komıtetiniń resmı derekteri boıynsha 2016 jylǵy sáýirde ınflıatsııa 0,6% (2015 jylǵy sáýirde - 0,1%) boldy. Bul týraly búgin QR Ulttyq bankiniń baspasóz qyzmetinen habarlady.

Azyq-túlik taýarlary 0,7%-ǵa (0,3%-ǵa ósý), azyq-túlikke jatpaıtyn taýarlar - 0,8%-ǵa (0,2%-ǵa ósý) qymbattady. Al aqyly qyzmet kórsetý tarıfteri 0,4%-ǵa (0,1%-ǵa tómendeý) ósti.

Azyq-túlik taýarlary naryǵynda 2016 jylǵy sáýirde kóbinese oramjapyraqtyń baǵasy 34,1%-ǵa, jarma - 6,5%-ǵa, shaı - 4,4%-ǵa, nan - 1,9%-ǵa, makaron ónimderi - 1,2%-ǵa qymbattady.

Al aqyly qyzmetter tobynda turǵyn úı-kommýnaldyq qyzmetterdiń aqysy 0,5%-ǵa ósti, onyń ishinde qoqys jınaý tarıfteri 4,7%-ǵa, sýyq sý - 3,5%-ǵa, turǵyn úıdi ustaý - 1,6%-ǵa kóterildi. Ambýlatorlyq qyzmetter - 1,4%-ǵa, bilim berý qyzmeti - 0,9%-ǵa qymbattady.

«2016 jylǵy qańtar-sáýirde ınflıatsııa 3,6% (2015 jylǵy qańtar-sáýirde - 1,2%) boldy. Jyldyń basynan bastap, azyq-túlik taýarlarynyń baǵasy 3,9%-ǵa (1,9%-ǵa ósý), azyq-túlikke jatpaıtyn taýarlar - 3,5%-ǵa (0,4%-ǵa tómendeý), aqyly qyzmet kórsetý - 3,5%-ǵa (2,0%-ǵa ósý) ósti», - delingen habarlamada.