2016 jylǵy Olımpıadany aýystyrý máselesin fýtboldan 2014 jylǵy álem chempıonatynan keıin qaraıdy
ASTANA. QazAqparat - 2016 jylǵy Olımpıadany Rıo-de-Janeırodan Londonǵa aýystyrý múmkindigi jaıly Halyqaralyq Olımpıada komıteti fýtboldan Brazılııada ótetin 2014 jylǵy álem chempıonatynan keıin qaraıdy, dep habarlady HOK-tyń aqparat kózine silteme jasaǵan «R-Sport» agenttigi.
«Olımpıada Londonǵa aýystyrylýy múmkin. Bul tártip bylaı qoıylady degen oıdamyn: HOK fýtboldan álem chempıonatynyń qorytyndysyn kútedi. Olarda bári aıaqtalǵan soń, sheshim qabyldanady. Rıoǵa osyndaı eki alyp doda: álem chempıonaty men Olımpıada oıyndaryn aradaǵy eki jyl ishinde ótkizý qıyn. Olar muny eseptegen joq jáne HOK bul týraly buryn oılaýy kerek edi. Sol sebepti Rıonyń aldyndaǵy basty mindet - olardyń álem chempıonatyn qalaı ótkizetindiginde», - dep atap ótti HOK-taǵy derekkóz.
«Londondaǵy oıyndardyń uıymdastyrylýyna keler bolsaq, eger aǵylshyndar qolǵa alsa, olar eki jyl ishinde daıyndalyp úlgeredi. Olarda barlyq ınfraqurylym bar. Sporttyq ǵımarattar bar. 6-7 myń adamdy ornalastyrý - bul úlken qalanyń shaǵyn bir aýdanyn ǵana alady. Dál qazirgi ýaqytta HOK ol úshin bárine barady: qajettiniń bárin, tipti stýdentter jataqhanalaryn iske qosady. Olarda eriktiler toby kúshti. Eshqandaı suraqtar týyndamaıdy dep oılaımyn», - dep qosty HOK aqparat kózi. Atap ótý kerek, London jazǵy Olımpıada oıyndaryn 2012 jyly ótkizgen bolatyn.
