2016 jylǵy Olımpıadada Qazaqstan dzıýdoshylary kem degende bir «altynǵa» úmitti - Marat Myqtybekov
ASTANA. QazAqparat - 2016 jyly ótetin Olımpıadaǵa Qazaqstan dzıýdoshylary joldama sany boıynsha jaqsy nátıje kórsetýge tyrysyp jatyr. Bul týraly búgin Ortalyq kommýnıkatsııalar qyzmetindegi brıfıngte Dzıýdo federatsııasynyń birinshi vıtse-prezıdenti Marat Myqtybekov málim etti.
2016 jylǵy Olımpıadaǵa Qazaqstan dzıýdoshylary joldamalardyń tolyq jıyntyǵymen barýǵa talpynyp otyrǵandyǵyna toqtalǵan ol, «Eń basty maqsat - Olımpıadaǵa tek joldama alý ǵana emes, sonymen qatar úlken jetistikterge jetip, kem degende bir «altyn» medal alsaq degen úmit bar», - dedi.
Osy oraıda Marat Myqtybekov 2016 jyly ótetin Rıo-de-Janeıro Olımpıadasyna qazirgi kezde federatsııa tarapynan tıisti daıyndyq jumystary júrip jatqandyǵyn, oqý-jattyǵý sharalaryna aıryqsha mán berilip otyrǵandyǵyn atap ótti.
Aıta keteıik, bıylǵy jazda Qazaqstanda Dzıýdo kúresinen eresekter arasyndaǵy Álem chempıonaty ótedi. Atap aıtqanda tamyzdyń 25-i men 30-y aralyǵynda elordaǵa álemdegi eń tanymal sportshylar jınalady. Chempıonatqa álemniń 100-den astam eli qatysady dep kútilýde.
