2016 jylǵy Olımpıada Rıo-de-Janeırodan Londonǵa aýystyrylýy múmkin
ASTANA. QazAqparat - Halyqaralyq Olımpıada komıteti 2016 jyly ótetin Olımpıada oıyndaryn Rıo-de-Janeırodan Londonǵa aýystyrý múmkinshiligin qarastyrýda, dep habarlady sheteldik BAQ.
Brıtandyq Evening Standart basylymynyń jazýynsha, HOK Brazılııa qalasyndaǵy Olımpıada oıyndaryna daıyndyq qarqynyn kórip, esten tanyp otyr. Sondyqtan komıtet qupııa túrde Londonnan tórt jylda bir márte ótetin álemdik dodany taǵy bir márte ótkizýge daıyndyǵyn suraǵan kórinedi.
«HOK daıyndyqty jedeldetý úshin arnaıy top qurdy, biraq ahýal syn kótermeıdi», - deıdi Sıdneıde ótken kongreste HOK vıtse-prezıdenti Djon Koýts.
Beıresmı aqparattarǵa qaraǵanda, Olımpıadanyń bastalýyna 2 jyl qalǵan ýaqyttaǵy qalanyń ony ótkizýge daıyndyǵy nebári 10 paıyzdy ǵana quraıdy.
2012 jylǵy London oıyndaryn uıymdastyrý komıteti qyzmetkerleriniń biri Ýıll Glendınnıng qalanyń 2016 jylǵy Olımpıadany ótkizýine barlyq múmkinshiligi bar ekendigin aıtýda. Degenmen, HOK jazǵy oıyndardy Rıo-de-Janeırodan Londonǵa aýystyrý múmkin emestigin málimdedi.
