2016 jylǵy qyzmetkerlerdiń kásipteri men qyzmetterine qatysty jalaqy kólemderi belgili boldy
ASTANA. QazAqparat - Jumysshylardyń belgili (ózekti) kásipteri jáne qyzmetkerlerdiń laýazymdary boıynsha ortasha aılyq jalaqynyń kólemi týraly aqparat alý maqsatynda QR Ulttyq ekonomıka mınıstrliginiń Statıstıka komıteti ekonomıkalyq qyzmettiń jeke túrleri boıynsha kásiporyndar men uıymdarǵa birjolǵy zertteý júrgizdi. Zertteýge qyrkúıek aıynda tolyq jumys istegen qyzmetkerler kirdi, dep habarlaıdy QazAqparat atalǵan vedomstvoǵa silteme jasap.
2016 jyldyń zertteý nátıjeleri boıynsha ekonomıkalyq qyzmet túrlerinde eńbekaqy tóleýi qyzmetkerlerdiń kásipter toptary arasynda jiktelýi saqtalady. Basshylar sanatyna jatatyn qyzmetkerlerdiń ortasha jalaqysy biliktilik deńgeıi joǵarǵy mamandardyń jalaqysynan 2,0 ese, biliktilik deńgeıi orta mamandardyń jalaqysynan 2,6 ese jáne biliktiligi joq jumysshylar jalaqysynan 4,4 esege kóp.
Eń joǵarǵy jalaqy shıki munaıdy jáne tabıǵı gazdy óndirý salasynda jumyspen qamtylǵan uıymdardyń basshylarynda 1 118 myń teńge tirkeldi, bul kómir jáne lıgnıt óndirý salasyndaǵy basshylardyń ortasha alatyn jalaqysynan 4,2 ese jáne qurylys salasyndaǵydan 3 ese joǵary. Shıki munaıdy jáne tabıǵı gazdy óndirý salasyndaǵy biliktiligi joǵary jáne orta mamandarynda joǵary jalaqy 571 myń teńge, jáne 482 myń teńge alǵanyn atap ótken jón.
Ekonomıkalyq qyzmet túrleri jáne qyzmetkerlerdiń kásipteri bólinisinde eńbekaqy tóleýi aıtarlyqtaı aıyrmashylyq saqtaýda. Shıki munaıdy jáne tabıǵı gazdy óndirý kásiporyndarynda tehnıkalyq qadaǵalaý jónindegi ınjener, burǵylaý jónindegi ınjener (burǵylaý jumystary) jáne uńǵymalardy bekitý jónindegi ınjener joǵary jalaqy alady (832 1 016 myń teńge). 295 myń teńge jalaqyny munaı óndeý ónimderin óndirý salasyndaǵy qyzmetkerler, al 297 myń teńge jalaqyny áýe kóligi salasyndaǵy qyzmetkerler aldy.
Qurylys salasynda joǵary deńgeıli bilikti mamandar arasynan eń joǵary jalaqyny qurylystaǵy menedjerler (308 myń teńge), al biliktilik deńgeıi bar mamandardan qaptaýshy-mramorshy (282 myń teńge) aldy.
Aýyl sharýashylyǵy salasynda biliktiligi bar mamandar arasynan eń joǵary jalaqyny sharýashylyq óndirisiniń traktorshy-mashınısteri (166 myń teńge), traktorshy (147 myń teńge), al tómengi jalaqyny feremerler men qyryqtyqshylar jáne kúzetshiler 27 41 myń teńge kóleminde alyp otyrǵan.
Negizgi kásipter jáne qyzmetter toptary boıynsha áıelderdiń jalaqysy erkekterdiń jalaqysyna qaraǵanda tómen boldy. Uıymdardyń basshylary laýazymynda jumys isteıtin erkekterdiń jalaqysy - 540 myń teńge, aýdarmashyda - 282 myń teńge, ekonomıste - 202 myń tenge, esepshiniki - 167 myń teńge boldy. Bul áıelderdiń ortasha jalaqysynan 1,1-2,2 ese joǵary.
2016 jylǵy qyrkúıekte Almaty qalasy jáne Atyraý oblysynda uıym basshylarynda eń joǵary jalaqylar qalyptasyp, 920 myń teńge jáne 716 myń teńgeni qurady. Eń az tólenetin qyzmet Ońtústik Qazaqstan, Jambyl, jáne Almaty oblystarynda boldy. Munda basshylar 226 myń teńgeden 253 myń teńgege deıin aldy. Respýblıkanyń óńirleri boıynsha uıym basshylary jalaqysynyń eń joǵarǵysy men onyń eń tómengi mániniń arasyndaǵy aıyrmashylyq 4,1 eseni qurady.
Ekonomıstiń joǵary jalaqysy Astana qalasy men Atyraý oblysynda baıqaldy, olardyń jalaqysy tıisinshe 251 myń jáne 248 myń teńge. Al tómengi jalaqy - Jambyl jáne Soltústik Qazaqstan oblystarynda 94-104 myń teńge. Dárigerdiń jalaqysyndaǵy kólem deńgeıinde aıyrmashylyq bar, máselen, Astana qalasynda - 175 myń teńge, al Qaraǵandy oblysynda - 129 myń teńge.
El boıynsha joǵary oqý ornyndaǵy muǵalimniń jalaqysy ortasha 133 myń teńge boldy. Onyń óńirler arasyndaǵy aıyrmashylyǵy 1,7 eseni quraıdy. Arnaýly bilim berý júıesinde oqytýshylardyń aılyǵy 109 myń teńge, tárbıeshide 75 myń teńge bolyp otyr.
