2016 jylǵy Kıkboksıngten Azııa chempıonaty Astanada ótýi múmkin
ASTANA. QazAqparat - 2016 jylǵy Kıkboksıngten Azııa chempıonaty Astanada ótýi yqtımal. Bul týraly Búkilálemdik Kıkboksıng uıymy qaýymdastyǵynyń Azııalyq qanatyn basqaratyn (WAKO ASIA) Nasser Nassırı málim etti.
«Qazaqstan - kıkboksıng sporty myqty damyǵan elderdiń biri. Munda osy sport túriniń qaryshtaýyna úlken mán berilip keledi. Sol sebepti biz Qazaqstannyń kıkboksıng federatsııasymen birge kıkboksıngten Azııa birinshiligin Qazaqstanda ótkizý jóninde usynysty talqylaıtyn bolamyz. Qazirgi ýaqytta qurlyqtyq birinshilikti ótkizýge birneshe qala ótinish bildirdi. Olardyń barlyǵyn qaraıtyn bolamyz. Biraq, biz Astanany bul tizimde eń áleýetti qala retinde qarap otyrmyz», - dedi ol búgin Astanada kásipqoı kıkboksıngten Azııa chempıony ataǵy úshin bolatyn túrnırdiń qarsańynda.
